Mideo ug ang iyang Poleteismo

Mag duha na ka semana ug ang kontrobersya sa Poleteismo ni Mideo Cruz mao lang gihapon ang gi sumsuman sa mga taga simbahan ug mga ordinaryo nga mga taw.

Gikataho nga ang artist nga si Mideo Cruz nagpahigayon ug exhibit sa iyang mga obra sa Cultural Center of the Philippines kung diin naay mga imahen sa Birheng Maria, Hesukristo, ug Krusipiho nga gipang-usab ang mga hulagway. Ang giingon nga mga bag-ong hulagway nagpakita ug “kabastos” hinungdan nga niinit ang dugo sa katolikong simbahan ug sa mga katolikong sumusunod.

Kung ang mga fine arts artists maoy atong pangutan-on, matud pa nila nga ang exhibit ni Mideo Cruz wala nakalapas ug bisan unsa man, kay tungod ang art is a form of self-expression. Sa art, matud pa nila, anything goes.

Tinuod wala kini nakalapas siguro ug mga balaod pero dako kining insulto sa mga katoliko nga motoo ug moampo ug mga rebolto. (Pero pangutana lang: Sakto ba kini nga binuhatan kung diin moampo ta sa mga rebolto? Dili ba kini mao ang gitawag nga idolatry nga diin usa ka sala matud pa sa Balaang Kasulatan?)

Pila na ka adlaw ang nilabay, gitangtang na ang maong exhibit, ni-reign na ang maong pangu sa Cultural Center of the Philippines. Si Mideo Cruz nangayo na ug pasaylo sa simbahan ug sa katolikong katilingban. Apan nisiaw man hinuon ang simbahan sa ilang mga ritwal ug mga siremonyas kontra sa ilang gitawag nga blasphemy sa maong artist. Sa bahin sa simbahan, dili pa ba sakto ang pagtatang sa exhibit, pag-resign sa pangu sa CCP, ug pagpangayo ug sorry? Para nako murag nagpakita ra pud ug pagkamapahitas-on ang atong simbahan.

Dili ba diay puede nga butangan na nato ug tuldok ang kining panghitabo? Can we not just move on and start anew? Sa giingon, God is love, God is forgiving. Ang simbahan nagsangyaw sa Maayong Balita. Apan kutob lang ba kita sa pagsangyaw, pero wala sa buhat?